Contra a violencia de xénero

   Levamos todo o mes reflexionando e sobre todo falando moito nas clases sobre a violencia de xénero. Podedes ver unha mostra deste traballo nestas imaxes. Noraboa a tod@s!!!

TEATRO DE SOMBRAS

O ano pasado quedounos unha actividade moi interesante sen publicar no blog e cremos que algo así non pode quedar só na nosa memoria. 

Fíxemos un intercambio cultural moi gratificante co colexio nº 1 da nosa localidade. 

O día 5 de maio desprazámonos ata alí co alumnado colaborador coa nosa  biblioteca escolar e puidemos disfrutar moitísimo con dúas obriñas de teatro que eles prepararon para nós.

 Na primeira delas fixeron unha desternillante crítica aos recortes que sofre a sanidade pública e ás súas consecuencias. Estes son @s alumn@s que chegaron este ano ao noso centro e xa se lles ve con ganas de colaborar!

Despois o alumnado de 5º regalounos unha boa interpretación da vida nunha casa calquera que traía baile incluido.

O certo é que o fixeron de marabilla e deixaron aos nosos colaboradores un pouco intranquilos porque crían que non serían capaces de facelo tan ben. O medo escénico empezaba a actuar!

O 31 de maio aqueles actores convertíronse en espectadores e nós... en sombras!

Aproveitando que na nosa biblioteca hai dúas salas comunicadas cunha gran parede de cristal representamos con sombras dous contos clásicos da nosa literatura "O paraugas Xacinto" de Álvaro Cunqueiro e "Os defuntos falaban castelao" de Ánxel Fole. O resultado foi espectacular! Aquí vos deixo unhas imaxes para que o vexades!

Nós tamén tivemos música para rematar. Tres alumnos de 4º de ESO (Dani, David e Jesús) estudan música no conservatorio e ademáis son apaixoados da guitarra eléctrica. Eles foron o broche final dunha mañá inolvidable e na que non perdimos a oportunidade de facernos unha foto para a posteridade.

QUÉROTE SEN VIOLENCIA

   Dende a biblioteca querémosvos propoñer dúas actividades para  reflexionar sobre este tema  e, en especial sobre a violencia que aparece nas relación  entre parellas adolescentes. Pretendemos, así, presentar formas de relación baseadas na igualdade, o respecto, a autonomía persoal e o apoio mutuo.

   Podedes dedicar a este tema as sesións de titoría que teñades entre os días 19 e 30 de novembro. Se vedes que o tema dá para máis, actuade libremente nas seguintes titorías. 

ACTIVIDADE 1

A) TRABALLO EN GRUPO NA AULA: Dividir a clase en 4 subgrupos (un de chicos, un de chicas e 2 mixtos) que deberán responder ás seguintes cuestións:

1. ¿Credes que a violencia de xénero é un problema que se da en parellas xoves? ¿Por que?

2. ¿Que factores inflúen para que se xeren relacións de violencia en parellas xoves?

3. ¿Que poderiamos facer os chicos para previr a violencia masculina contra as mulleres?

4. ¿ Que poderiamos facer as chicas para previr a violencia masculina contra as mulleres?

B) POSTA EN COMÚN: Posteriormente exponse o traballo dos subgrupos en gran grupo, e realizase un debate no que o titor/a será o moderador/a.

C) AS NOSAS PROPOSTAS “TQ SIN VIOLENCIA”

Cada grupo elixirá da lista de afirmacións, que vos proporcionará o titor, as 10 frases que consideren máis relevantes para fomentar relacións de igualdade entre mulleres e homes.  Tedes que lelas con atención  e seleccionar 4 frases da lista de chicos, 4 frases da lista de chicas, e por último proporán outras 2 afirmacións novas.

D) POSTA EN COMÚN:

As novas propostas podedes expresalas nun mural que, posteriormente, pegaredes nos paneis que haberá en distintos lugares do centro como resumen do traballo de tódolos cursos.

ACTIVIDADE 2

Paralelamente queremos que vos expresedes. Buscade na prensa (impresa ou dixital) noticias relacionadas coa violencia de xénero. Recortadeas e pegadelas tamén nos paneis. Haberá un lugar delimitado para estas  noticias,  outro para que escribades a vosa opinión, sentimentos, etc e outro para as vosas propostas. Podedes utilizar a prensa e revistas propias ou da biblioteca. 

XA ESTAMOS DE VOLTA!

Ola! Comezamos un novo curso cheo de ilusións e proxectos. Estamos encantados de vervos  pola biblioteca e preguntando cando faremos isto ou estoutro. Paciencia!. Estamos dándolle os últimos toques á nosa programación. Mentres tanto, lémbrovos que o noso horario de apertura é:
De luns a venres: de 9,00 h a 14,30 h
Os luns tamén abrimos pola tarde de 16,00 h a 17, 40 h.

Os gañadores

O curso 3º ESO A  foi o gañador do concurso Sabes Quen Son? e, por fin, saborearon o seu premio. Aquí vos deixo as fotos que fixemos na xornada de almorzos organizada polo departamento de hostalaría, na que foron o grupo invitado.
Moitas grazas a este departamento polo moito que colaboran con nós cada vez que llo pedimos e non vos perdades as como se puxeron os premiados!

En abril...libros mil!

Queremos celebrar convosco o día do libro, que como xa sabedes é o próximo luns 23 de abril. Por iso, e porque cada un ten gustos distintos, propoñemos varias opcións:

1. Imos proxectar nas pantallas das entradas do centro unha curta de animación que ten como protagonistas os libros:

Thefantastic flying books of MR Morris Lessmore.

 Non volo perdades! Vaivos gustar!

 2. Durante o recreo do luns  23, na Biblioteca, leremos algúns poemas que os “profes” elixiron para esta ocasión.

 Estades todos convidados!

3. Cal é o teu libro favorito?

Queremos facer un gran mural no que aparezan as portadas dos libros que máis nos gustan, polo que necesitamos a colaboración de tod@s.

Busca a imaxe do teu libro favorito, 

pégaa nun documento de word xunto co teu nome, 

e envíanola a

 chavedasnoces@gmail.com

 Nós imprimirémola e iremos pegándoas no mural ao longo da semana.

 (Se che resulta máis fácil  podes traela xa impresa ou nunha USB á biblioteca nos recreos)

Tes que vela!

Vilamor é a nova película de Ignacio Vilar, coñecido xa pola súa exitosa longametraxe "Pradolongo". Vilamor é un filme baseado no ano 1976 en feitos reais, no que un rapaz chamado Breixo forma parte dunha comuna idealizada nun estilo de vida alternativo que decide axudar aos recén chegados a recuperar a aldea. Mais non todos parecen destinados a vivir este soño de liberdade.
O seu lema é "Soñamos cun mundo mellor. Decidimos facelo realidade"

O día 23 de marzo viñeron promocionarnos o seu filme o director, (Ignacio Vilar) os actores principais (Rubén Riós e Sabela Arán) e un actor de reparto (Xoel Yáñez).
Ignacio Vilar explicounos en que consiste a rodaxe dunha pelicula, o seu custo e a súa financiación.
Fixemos un simulacro no cal se vía que non era tan fácil grabar unha escea, xa que o tempo está limitado e por un simple fallo pódese botar a perder un día de traballo, o cal ten que retomarse ó día seguinte e supoñería unha gran perda de cartos.

A súa presenza foi agradable, levadeira e entretida. Gustarianos que houbese máis destas charlas, que ademáis de entretidas son didácticas.

Este filme pódese ver a partir do 30 de marzo nos cines de Ribadeo, As Termas e no centro de Lugo ata o 1 de Abril. Agás en Lugo que tamén está en Semana Santa.

Podedes informarvos na páxina oficial: www.vilamor.eu
E seguilos nas redes socias: twitter, tuenti e facebook.

http://www.youtube.com/watch?v=YJ4HS-Ryf0g

Itziar Bernardo, Vanessa García, Judit Trelles, Sandra Rey

Día da muller traballadora

Dende o día 8 de marzo estamos a celebrar  o día internacional da muller traballadora. Para iso preparamos varias actividades dirixidas ao alumnado.
Para 1º, 2º e 3º de ESO organizamos un xogo na biblioteca que consistía en atopar o nome de 13 mulleres destacadas na historia das cales só coñecían a súa foto e algúns datos das súas biografías. Durante unha sesión de clase, e divididos en grupos, investigaron sobre elas e foron moitos os que atoparon os seus nomes. Seica o pasaron moi ben ao tempo que descubriron unhas mulleres excepcionais!
Ao mesmo tempo, o alumnado de 4º e 1º de Bac investigaron a vida doutras mulleres e elaboraron unhas fichas sobre elas que expoñeremos na biblioteca e nas pantallas das entradas dos edificios A e B a partir do luns 19.
Aquí vos deixo un avance do ben que o pasaron xogando en grupos e pronto poderedes ver os traballos dos maiores.

As nosas actividades na prensa

Co gallo do día mundial da muller traballadora fixemos distintas actividades nas que participastes moitos de vós. A prensa fíxouse nelas e reflexounas en distintos medios. Podedes ler o que publicou Crónica 3 ou consultar na biblioteca as edicións da Mariña de El progreso e La voz de Galicia.

COPLAS GAÑADORAS NO ENTROIDO

1º PREMIO: O bo Urdangarín

O bo Urdangarín érache pobre

só tiña cartos a esgalla

e tentou pillar limosna

onde vía que sobraba

O rei non lle daba nada

e mira que llo pedíu!

agora pensará o pobre

vaia xenro me saíu!

Dona Cristina está triste

pensou que era un deportista

déronlle gato por lebre,

resultou ser un cuentista.

Qué será agora del?

Qué será da súa vida?

Qué será do bo de Iñaki?

Qué será da monarquía?

  Sabela Quirós e Inma Rodríguez (1º Bac)

2º PREMIO: "APERCIBIMENTO"

Ánxeles apercibiume

De palabra e penitencia

Agarroume da peleas

Ai Xesús dáme paciencia!

Nos exames, ben fodido

Nas clases non paro quieto

Todo isto suma e segue

Ai Deus meu outro suspenso!

Cando lle entrego a libretra

non lle chega un boli roxo

Todo se volven tachóns

Hasta a min me da ben noxo!

A clase está a rematar

Non me teño de Leticia

Para ir correndo ao baño

A baixarme a petrina

Despois dunha mexadiña

Non me queda outro remedio

Que volver á clase axiña

Para aguantar á Paleo

Daniel Irimia (4º ESO)

3º PREMIO: De Helena e Mar imos falar

Sempre que imos a debuxo

Está xa Helena na porta

Co traballo na súa man

Para deixar a Noa morta

Imos ó laboratorio

Está Mar coa súa bata

Vai facer experimentos

Cos que metemos a pata

Helena anda a buscar

as regras que escondemos

ela quere traballar

pero nós non queremos

Mar sempre di que ten

nenos favoritos mil

Quitando a Óscar Lombán

Que di que se volveu vil.

Falando destas dúas profes

Que son Helena e Mar

Despedimos estas coplas

Porque xa nos van matar.

Óscar Lombán e Andrea Reigosa (1º Bac)

PREMIADOS OS MICRORRELATOS

Preséntovos aos gañadores do concurso de microrrelatos cos seus textos respectivos. Disfrutádeos!

PREMIO AO MELLOR ESCRITO

Velaquí un relato de oposición entre a paz e o amor:

Unha muller chamara á medianoite á policía avisando de que un rapaz e unha rapaza estiveran bañándose espidos no lago ao lado da súa casa e non lle deixaban durmir.

O garda civilveu, afastounos, e a señora volveu á súa casa.

Unah hora máis tarde, a mesma muller volveu chamar e o mesmo home afastou ós namorados que non deixaban durmir en paz á señora uns metros máis aló.

Eran xa as cinco da madrugada … e o policía volveu por cuarta vez a afastar ós mozos, e entón o policia díxolle á señora:

-Pero se xa están a máis de medio kilómetro da súa ventá!

A muller, alporizada, díxolle:

- Si,  pero con los gemelos aún los puedo ver!

                   Daniel Oliveira Fernández

PREMIO AO MÁIS ORIXINAL

¡Camareiro, camareiro!

¡Unha ración de paz e dúas de amor para esta mesa!

                      Julia García Currás

PREMIO AO MÁIS DIVERTIDO

Non estou casada, ¿Para que o necesito?

Teño tres mascotas: un can que gruñe pola mañá, un loro que bota juramentos durante toda a tarde e un gato que chega tarde pola noite

                  Sabela Fernández Rodicio

¡NORABOA A TOD@S!

Agardámoste!

A primeira reunión terémola este venres día 10 de febreiro ás 11.30 h (no lecer) como é lóxico, na biblioteca

TORNEO DE XADREZ

Estamos a preparar o segundo TORNEO DE XADREZ. Podedes apuntarvos na biblioteca ata o 3 de febreiro. ¡Xa ahi 13 concursantes! E ti...¿Anímaste?

CONCURSO DE COPLAS DE ENTROIDO

A actividade consiste en compoñer coplas populares propias do Entroido ás que lles podedes dar ritmo de rap ou calquera outro ritmo que queirades.

A copla é unha estrofa de catro versos de arte menor, con rima asonante nos pares e carácter popular. Nas de Entroido aprovéitase para peneirar aos que xa “andan en coplas” ou aínda non, para facer mofa ou escarnio, por divertimento ou para provocar.

Mira ao teu redor, olla o que pasa no muMira ao teu redor, olla o que pasa no mundo e arma unhas coplas en galego!!!
Animádevos e participade cos vosos compañeiros de aula compoñendo unhas boas coplas cheas de imaxinación e bo humor!!!
PREMIO: Entre os gañadores repartiranse 60 € e as súas creacións aparecerán publicadas na revista do Centro, no blogue do ENDL no blogue da biblioteca. A entrega de premios realizarase o venres, 17 de febreiro durante a xornada de celebración do entroido.
Tod@s os que queirades poderedes interpretar as vosas composicións.
DATA DE ENTREGA: Os traballos poderanse entregar ata o xoves día16 de febreiro de 2012 na biblioteca ou a calquera dos profesores do Equipo de Normalización Lingüística.
Manolo Sánchez
Ánxeles Peláez
Fefi Xove

Concurso de microrrelatos

Como xa sabedes o próximo día 30 de xaneiro celebramos o día da paz. Seguro que tampouco esquecedes que o día 14 de febreiro é o día dos namorados. Con motivo destas dúas datas convocamos un concurso que, se vos esforzades un pouco, conseguirá que "empapelemos" o instituto coas vosas aportacións.
As bases do concurso xa as tedes nos vosos taboleiros pero aquí tamén volas lembramos.
1. A temática do relato é a paz e o amor. Poderá estar escrito en galego ou en castelán. A extensión máxima é de 250 palabras.
2. Entrega antes do luns 6 de febreiro na biblioteca o teu relato asinado co teu nome e curso. Publicarémolo no panel do concurso. Tamén seleccionaremos algúns relatos para o blog da biblioteca escolar.
3. O día 13 de Febreiro o xurado composto por profesores do IES de Foz outorgará tres premios ( microrrelato máis divertido, máis orixinal e mellor escrito). Os gañadores recibirán un lote de libros, música ou cine.
Aquí vos deixo uns exemplos de microrrelatos, por se nos dan ideas.
• Hoy los maté. Ya estaba harto de que me llamaran asesino. (Jaime Muñoz Vargas)
• Aquel hombre era invisible, pero nadie se percató de ello. (Gabriel Jiménez Emán)
• ¡Arriad el foque! ordena el capitán. ¡Arriad el foque!, repite el segundo. ¡Orzad a estribor!, grita el capitán. ¡Orzad a estribor!, repite el segundo. ¡Cuidado con el bauprés!, grita el capitán. ¡El bauprés!, repite el segundo. ¡Abatid el palo de mesana!, grita el capitán. . ¡El palo de mesana!, repite el segundo. Entretanto la tormenta arrecia y los marineros corremos de un lado a otro de la cubierta, desconcertados. Si no encontramos pronto un diccionario, nos vamos a pique sin remedio. (Ana Shua)
• Nunca escribas estas palabras en una misma línea: tigre y paloma, pues es fácil que la primera devore a la segunda. (Rafael Pérez Estrada)
•Los enanos tienen una especie de sexto sentido que les permite reconocerse a primera vista. (Augusto Monterroso)
• El público se horrorizó cuando a la mitad del escalofriante acto el tragasables sufrió un ataque de hipo.•¿Dónde está el domador? ¿Por qué eructan así los leones? (Luis Felipe Hernández)
• Alzó la voz Dios y exclamó: ¡ Hágase la luz! Y horrorizado, ordenó apagarla.( Jimmy Entraigües)
• Hay palabras que lastiman el silencio. (Guillermo Samperio)
• Se quitó las gafas para dormir. Después, las gafas se deslizaron y siguieron leyendo. Era una novela interesantísima. (José Víctor Martínez Gil.)

Tamén algúns alumn@s participaron neste concurso no 2009 ¡Mira o que fixeron en 1º ESO A! e tamén en 1º ESO B
.