miércoles, 20 de diciembre de 2017

Merenda de Nadal dos voluntariose voluntarias da biblioteca


Os voluntarios e voluntarias da biblioteca e o equipo de redacción do blog celebramos este martes 19 de decembro unha merenda durante o recreo con biscoito e chocolate quentiño. Moi boas festas a toda a comunidade educativa do IES de Foz e un feliz 2018!

O IES de Foz decora a biblioteca navideña


Denisse 

O IES de Foz decorou no mes de decembro a biblioteca do instituto. Os voluntarios da biblioteca decoraronna coa axuda dos mestres. Puxeron: lazos, caixas de agasallos e espumillon, para dar o ambiente navideño como todos os meses de decembro. Todo quedou moi bonito e vistoso.





Entrevista o alumnado de FP Básica sobre o programa de radio



Xornalistas: Chema e Cao.

Hoxe entrevistamos ao alumnado de FP Básica de comercio sobre o programa de radio que realizaron no primeiro trimestre.

PREGUNTA: Por que se vos ocorreu facer un programa de radio?

ALBA: Dounos a idea a profesora Ana Carreira

PREGUNTA: Quen decidiu como estaba formado o equipo?

MÍRIAM: Todos nós, todo o equipo.

PREGUNTA: Canto tempo vos levou facer o programa?

EDI: Máis ou menos un mes e medio.

PREGUNTA: Foi divertido facer o programa?

JOSEBA: Si, oh. Estivo bastante ben.

PREGUNTA: Que foi o máis divertido?

JOSEBA: As risas que nos botabamos.

EDI: As vaciladas a Alba.

PREGUNTA: Que foi o máis aburrido?

NAIM: Pois a verdade é que non sei.

MARTÍN: Editar o programa.

PREGUNTA: Que foi o máis difícil?

FANEGO: A hora de pensar as preguntas para facer a entrevista.

PREGUNTA: Por que lle fixestes unha entrevista a Marcote?

EDI: Porque é o único profesor que nos caía ben... (risas) Non, porque estaba próxima a súa xubilación e quixemos facerlle unha homenaxe.


PREGUNTA: Como vos sentistes ao escoitar o voso programa?

EVA: Esta ben. Gustoume. O resultado foi satisfactorio.

PREGUNTA: Tedes pensado facer outro programa?

NAIM: Non sei...

JOSEBA: Supoño que si. Para perder clase, e iso...

FANEGO: Si. Gustaríame facer un.

PREGUNTA: Que temas tedes pensado tratar no programa?

JOSEBA: Iso pénsase sobre a marcha.

MARTÍN: Sobre a droga. Ah, si sobre o ciclista que dou a volta ao mundo. Xa o entrevistamos.

martes, 19 de diciembre de 2017

Concurso de postais de Nadal





Chema e Cao.

Recentemente no Instituto de Foz, celebrouse un concurso de postais de Nadal en galego. Houbo un xurado que valorou os traballos cos que participaron os alumnos e alumnas de 1º, 3º e 4º da ESO. A convocatoria do concurso fíxose en novembro e a data límte de entrega de postais foi o 4 de decembro.

O xurado foi o profesorado de plástica e outras materias. Valorouse a lingua do alumnado e a creatividade.

Con este concurso búscase que o alumnado mellore a súa expresión escrita en galego e a súa destreza debuxando.

As tres gañadores foron:

Laura García Rodríguez (3ºA)
Patricia Maseda Amil (1ºA)
Diana Labrada Pinto (1ºB)

lunes, 4 de diciembre de 2017

A continuación comartimos con vós os tres relatos gañadores do concurso literario celebrado na nosa biblioteca con motivo do Día pola Tolerancia do pasado 25 de novembro.





Celebración do Día contra a Violencia de Xénero


 
Alejandro Cao.
Celebrouse o venres 24 de novembro. Para celebrar o día contra a violencia de xénero alumnos e alumnas vestidos de negro, leron uns poemas e puxeron unha canción na biblioteca do instituto para enviar unha mensaxe a todos de que o home debe tratar con respecto á muller.

lunes, 27 de noviembre de 2017

Divertidísimo programa de radio realizado polo alumnado de 1º de FP Básica de Administrativo do IES de Foz


Este programa foi elaborado polo seguinte alumnado: Daniel Cuadrado, Alba, Edi, Naim, Miriam, Martín, joseba, Eva, Sergio e Damiel Fanego.

jueves, 23 de noviembre de 2017

Entrega de premios do concurso literario polo Día da Tolerancia


Jose María González

O vernes 17 de novembro celebráronse os premios do Día da Tolerancia na biblioteca do IES de Foz. O alumnado participante foi: CarCarlos Otero, Jairo Mesa, Rosa Martín, David Cuadrado
Manuel Louzao, Laura Neira, Gabriela Souto, Pedro Méndez, David Villamil, Carla Neira, Raúl Santos, Raúl Hernández, Diego Dragan, José María Sánchez, Alba Rivas e Alejandro Pérez. Todos eles recibiron un libro sobre a vida do escritor Carlos Casares.
Accésits:

Nos accésits o premio ao mellor relato en castelán para Laura Neira por “El Bulling”e o premio ao mellor relato de FP Báica para Daniel Cuadrado por “Aconteceu en Mondoñedo”


Na categoría 1 os gañadores foron os seguintes. Terceiro premio premio para Raúl Hernández por “Tolerancia”. Segundo premio para Alba Rivas por “A amizade”. Primeiro premio para Rosa Martín por “Silencio”.



miércoles, 22 de noviembre de 2017

Cancións que soaron na bilbioteca o xoves 15 de novembro, véspera do Día da Tolerancia



Alejandro Cao

Elexín estas catro cancións para que soasen o xoves 15 de novembro, o día  anterior ao "Día da tolerancia" porque falan precisamente diso, da tolerancia, e son moi bonitas. Cada unha trata dunha cousa distintas pero todas falan dun tema en común.
As cancións son:

  • "Abre la muralla" e "Contamíname" cantada por Ana Belén e Víctor  Manuel. 
  • "Como un irmán che falo" cantada por Fuxan os Ventos sobre un poema de Celso Emilio Ferreiro. 
  • "Odio por amor" cantada por Juanes.



lunes, 6 de noviembre de 2017

Gloria Fuertes a escritora famosa.



 Autores: Denisse López e Patrick Santos.


O mércores 25 de outubro fumos á biblioteca e todos nos sentamos (algúns nas sillas e outros no chan). Apagaron as luces e empezaron a facer sombras chinesas, logo mandáronnos a outra parte da biblioteca e sentámonos nas sillas e alí ensináronnos un vídeo dunha escritora vella chamada Gloria Fuertes que lía o seus propios poemas que trataban da súa vida . Logo tivemos que poñer mans de cartolina e poñer poemas que nos gustaran de Gloria Fuertes, e se queriamos podiamos ler o poema que elixíramos dela, despois déronnos a cada un unha libreta, unha chapa e unha pegatina para poñer o noso nome. Para acabar puxéronnos unha canción antiga da escritora e nada máis, marchamos a casa.




Exposición no CEIP Cantel


Autor: Martin Marrube

O día 2 de novembro de 2017 fumos expoñer o CEIP Cantel. Fumos
Roi, Alejandro, Jose María, Patrick e Denisse.
Espuxemos a prehistoria e tamén os animais imaxinarios.
Decidimos facelo porque era algo que nos gustou
moito e sobre todo porque así os nenos de 6º,5º e 4º
do Cantel aprenderon algo máis grazas a nós. 

Este é o vídeo que elaboramos sobre os contidos da preshistoria


 

viernes, 3 de noviembre de 2017

Buzóns para o concurso polo día da tolerancia

Autor: Alejandro Cao.

 Informamos que xa están os buzóns para a entrega de traballos de relato curto sobre o día da tolerancia. Animádevos a participar!

O prazo de entrega dos traballos será dende o día 30 de outubro ata o día 10 de novembro.

Recordámosvos que se entregarán 3 premios a os concursantes que resulten gañadores.

O primeiro premio é un vale de 20€ para unha libraría. O segundo outro de 15€ e o terceiro un de 10€. Os premios entregaranse o dia 16 de novembro no recreo na biblioteca GRAZAS. 

miércoles, 25 de octubre de 2017

Concurso literario do día da tolerancia



CONCURSO LITERARIO DE RELATO CURTO
da biblioteca do IES DE Foz polo Día Internacional da Tolerancia (16 de novembro)

En 1996 a asemblea xeral da ONU estableceu o día 16 de novembro como Día Internacional da Tolerancia. A Declaración afirma, entre outras cousas, que a tolerancia é o respecto e o saber apreciar a riqueza e variedade das culturas do mundo e as distintas formas de expresión dos seres humanos. A tolerancia recoñece os dereitos humanos universais e as liberdades fundamentais dos outros. Só a tolerancia pode asegurar a supervivencia de comunidades mixtas en cada rexión do mundo.
Coa finalidade de conmemorar esta data e de promover o valor da tolerancia entre o o alumnado deste centro convocamos o presente concurso de narrativa breve.
BASES:

1.Categorías:
Establécense dúas categorías .
Categoría 1: poderá participar nesta categoría todo o alumnado da ESO e da FP Básica no ano académico 2017-2018.
Categoría 2: poderá participar nesta categoría todo o alumnado do Bacharelato no ano académico 2017-2018.


2.Tipos de obras:
Os participantes terán que entregar un relato curto en lingua galega escrito por eles, cunha extensión máxima dunha cara. O relato terá que estar relacionado coa temática da tolerancia ou da intolerancia.
Deben ser relatos curtos totalmente orixinais (non se aceptan versións de relatos xa existentes).
Valorase a orixinalidade, a limpeza na presentación e que estea escrito sen faltas de ortografía .


3.Presentación dos traballos:
Os traballos pódense entregar escritos á man ou a ordenador. Seguiranse as normas de presentación establecidas a comezo de curso para todos os traballos de linguas.
O autor ou autora escribirá a lapis o seu nome, apelidos e clase pola cara traseira do relato.


4 Datas de entrega:
As datas de entrega dos traballos van do día 30 de outubro ao 10 de novembro, ambos días incluídos.


5 Lugar de entrega:
Os traballos deberán depositarse nos “buzóns” (caixas de correo) situados para a categoría 1 ao lado da clase de 2ºA e, para a categoría 2, diante do despacho do secretario (edificio A).
Os “buzóns” colocaranse a partir do luns 30 de outubro.

5 Premios:
Primeiros premios (das categorías 1 e 2): un pen drive de 8 GB e un libro.
Segundos premios (das categorías 1 e 2): un pen drive de 8 GB.
Terceiros premios (das categorías 1 e 2): un libro.


6 Xurado
Comporán o xurado José María González Rivas, Alejandro Cao Arnaú, Patrick Santos Rodríguez, Denisse López Piquero, Martín Marrube, Roi Rodríguez Cagiao e unha persoa do Departamento de Lingua Galega.

7 Data de entrega de premios
Os premios entregaranse no recreo o día 16 de novembro na biblioteca do IES DE FOZ.

viernes, 20 de octubre de 2017

Nova conta de correo para contactar co equipo de redacción do blog

 Acabamos de abrir unha cota nova de gmail para que nos enviedes cousas como ideas, propostas de actividades ou xogos para divertirvos cando vaiades á biblioteca, peticións de libros, etc.

Podedes escribirnos á conta: chavedasnoces2@gmail.com


AGARDAMOS NOVAS VOSAS!

martes, 17 de octubre de 2017

Presentación do equipo de redacción do blog




Moi boas rapaces! 

Chamámonos Alejandro, Chema, Denisse, Patrick e Martín. Imos levar o blog da biblioteca durante este curso.

A nosa intención con este traballo é conseguir que o alumnado do instituto vaia máis á biblioteca e colla libros para ler. Xa temos algunhas ideas, por exemplo, un concurso de relato curto, entrevistas...

Esperamos que vos guste este traballo que imos facer.

 VÉMONOS NA BIBLIO!

lunes, 19 de junio de 2017

A galiña azul. Teatro lido.

  




Carla, Enma, Eva, Germán, Manuel, Marta, Rosa e Uxía cursan 1º de ESO no IES de Foz  e colaboran activamente na Biblioteca. Nesta primavera, ademais, regalaron parte do seu tempo de lecer para coas súas voces facer teatro lido e render homenaxe a Carlos Casares desde o ENDL. O texto base é a adaptación teatral que fixo María del Carmen Gómez Álvarez de A galiña azul, e na gr avación botounos unha man Fernando, o profesor de Múśica.

             Escoitade, escoitade ...Quen dixo "cocorocó"?

Aquí tedes o conto teatralizado: A galiña azul.wav

miércoles, 24 de mayo de 2017

Calendario dos axudantes. Maio 2017.

Correlingua 2017

CORRELINGUA 2017 on PhotoPeach

lunes, 15 de mayo de 2017

Carlos Casares na biblioteca do IES de Foz

Carlos Casares na biblioteca do IES de Foz on PhotoPeach

miércoles, 26 de abril de 2017

Día da Paz

Día da Paz na Biblioteca on PhotoPeach

Novidades na Biblioteca

Novidades na Biblioteca on PhotoPeach

Rosalía de Castro na Biblioteca

Recital plurilingue na Biblioteca

Recital plurilingüe de poemas de amor. on PhotoPeach

lunes, 6 de febrero de 2017

Día de Rosalía na biblioteca

Rosalía de Castro na biblioteca do IES de Foz on PhotoPeach

miércoles, 18 de enero de 2017

Contra a violencia de xénero

Contra a violencia de xénero on PhotoPeach