jueves, 17 de diciembre de 2020

Recomendacións lectoras para as vacacións de Nadal.




                 



Este ano tamén a nosa tradicional mesa de exposicións vese comprometida, pero os nosos colaboradores artellaron unha nova forma de facer chegar as recomendacións lectoras de este periodo aos seus compañeiros. Este ano teñen grabados unha serie de vídeos nos que falan dalgunhas lecturas que consideraron interesantes e que poden ser do voso interese para pasar un bo rato de lectura durante estas vacacións.

Deixámosvos aquí as recomendacións que eles propoñen, esperando que vos gusten! Como temos problemas para deixar todos os vídeos feitos polos colaboradores e colaboradoras, deixámosvos a foto dos mesmos e emprazámosvos a que os os vexades no noso perfil de Instagram @bibliotecaiesfoz

Moitas grazas aos nosos colaboradores de 1º ESO polo seu traballo!


Para os amantes da literatura fantástica, maiores e pequenos, unha colección que traerá moitas horas de lectura e que non pasa de moda 😉



Dúas recomendacións, especialmente dedicadas aos primeiros cursos da ESO. 

 „Conta nove estrelas“ foi este ano lectura obrigatoria para poder alumnado de 1° ESO, e á vista está que gustou as nosas colaboradoras, xa que o recomendan aquí aos seus compañeiros e compañeiras. 
“Escarlatina, a cociñeira defunta” é un deses libros que gustan moito e que repetimos máis dunha vez nas nosas recomendacións. Este ano non é lectura obrigatoria en 1° ESO, pero non por iso deixa de ser unha lectura interesante, entretida... e saborosa 😋.


Este libro, máis dedicado a lectores de maior idade, ou mesmo, para  aqueles capaces de ler máis aló da propia historia, é un libro que invita á reflexión. 


Non podía faltarnos banda deseñada,  para todos os amantes deste tipo de historias. Para os amantes da Historia mesma, e máis concretamente para aqueles que desexan profundizar no acontecido ao longo da Segunda Guerra Mundial. Unha historia autobiográfica. Un libro que non deixa indiferente.



Tamén a modo de despedida e felicitación queremos deixar aquí o vídeo que os colaboradores de 2º ESO fixeron para despedir o trimestre e engadir unha pequena nota de color á nosa, agora sempre baleira, mesa de exposicións. Moitas grazas tamén a todo o grupo polo seu traballo, polo traballo reflectido neste vídeo e sobre todo polo traballo desenvolvido ao longo de todo o trimestre. 

 




Bo Nadal!



miércoles, 16 de diciembre de 2020

25 novembro

 


Como cada ano, a data do 25 de novembro é motivo de reflexión e traballo sobre a violencia  de xénero. Este ano, dado que non están recomendadas exposicións optamos por poñer no taboleiro da biblioteca as elaboracións daquelas persoas que decidiron compartilas con todos nós. 

Grazas a todos eles y elas por achegarnos os seus traballos! Grazas tamén aos colaboradores da biblioteca polo seu traballo para esta data!












jueves, 26 de noviembre de 2020

Noraboa aos premiados no concurso de Podcast!

 

                             

       Estamos encantados e orgullosos de poder dar a noraboa aos rapaces e rapazas do Club de Lectura de 2º ESO de curso pasado, así como ao profesor encargado do mesmo, Suso Cortázar. Por segundo ano consecutivo obteñen un premio no concurso de Podcast Xosé Mosqueira. Este ano levan o 1º Premio. Noraboa a tod@s! 

        Deixamos aquí o texto elaborado por Suso, o profesor que coordinou a actividade, así como o texto do Podcast.

     O 1º Premio de Podcast da 2ª edición dos premios Xosé Mosquera, O vello cos contos, recaeu de novo nun grupo de alumnas e alumnos do IES de Foz. Andrea Rodríguez, Bruno Rodríguez,  Betty Martínez,Carlos Iglesias, Miguel Río, Francisco Sánchez e Héctor Portela presentaron ao concurso un podcast baseado nun conto tradicional galego, a lenda da Casa da Moura, modificado mediante a inserción de refráns.


    Na edición engadiuse o tema musical de Kevin MacLeod, Pippin the Hunchback (con licenza creativecommons).
 

A gravación levouse a cabo durante o curso pasado, no contexto do club de lectura do IES de Foz. O confinamiento impediu que outro grupo do club ( Helen Aragón, Xoel Díaz, Jacobo Gayoso, NereaFernández, Hussam El Khiari) finalizara a gravación do seu podcast e puidera optar tamén a este premio.
 

Compartiremos a recompensa con todos eles.

 

Texto do podcast:
 

    Era un pobre que ía á mañá cedo para a feira do 12, e ó pasar pola Casa da Moura saíulle un mouro epreguntoulle:
 

- E logo para onde vai?
 

- Voulle para a feira mercar uns porquiños.

(Un porco é unha botica)


- E ten moito diñeiro para os mercar?
 

- Ai, señor, eu diñeiro téñolle pouquiño.

(Labrador sen horta, fame á porta)


- Ben, pois vas á feira e mercas dous porcos dos mellores que haxa, e esperádesme alí ti e mais os quechos venden. E despois vou eu e págollelos.

(Para ruín feira, corda baleira)


E pasou todo segundo dixera, e o mouro quedouse cun porco e o home con outro. E entón o mouro díxolleó home:


- Mira, todas as mañás cedo tráeme aquí medio neto de leite. Ti non chames por ninguén. Déixamo neste sitio sinalado que xa terás nel un peso todos os días. E así segues sempre. E ten tino de non dicir nada a ninguén, que estas cousas non se poden dicir.


E por moito tempo o home levou o leite e colleu os cartos. Mais a súa muller sempre lle andaba dicindo:


- De onde che veñen os cartos? Porque antes non tiñamos case ningúns e agora temos moitos. Ti tes que ter unha amiga que chos dá.
 

E o home contestáballe:
 

- Non, muller, non. Ti come e bebe e a min déixame, que eu non teño amiga ningunha.
 

E ela volvía porfiar:
 

-Pois ti tesmo que dicir, que dalgún lado che veñen.

(Ó que moito queira saber, dáselle o cu a lamber)


E tanto porfiou e tanto fixo que rematou por llo dicir.


(Muller que sabe latín non serve para min)


Veu para o outro día á mañá, e o home foi co leite, mais ó chegar ó sitio sinalado, en vez dos cartos atopou un corno cun letreiro que dicía:

Falaches, corneaches.

lunes, 9 de noviembre de 2020

CONCURSO DE MICRORRELATOS


Aberto o prazo para enviar os traballos dende o día 9 de novembro ao 10 de decembro.

Bo día !! :)


    Os colaboradores da biblioteca de 2º ESO estamos a organizar un concurso de
microrrelatos.


Haberá premios para os gañadores!!!!!!


As bases a cumprir para participar son as seguintes:


1. O texto non sobrepasará as 500 palabras.
2. Terá que ser en galego.
3. O tema sobre o que tratará será a saúde.
4. Deberase entregar vía email, en formato PDF preferiblemente. A dirección de
entrega será a seguinte: biblioiesfoz@gmail.com
5. Recollerá os datos sobre o autor: nome, apelidos, curso e grupo.
6. Só se poderá participar unha vez.
7. Deberá cumprir as normas de entrega de traballos do instituto.


As categorías son:


• 1o categoría: 1º ESO e 2º ESO


• 2o categoría: 3º ESO,  4º ESO e FPB.


• 3o categoría: 1º BAC e 2º BAC


O xurado será o alumnado de 2º ESO que participe como colaborador de biblioteca.


ÁNIMO, APUNTÁDEVOS !!!


Antía Paz López e Mariña Balseiro Parga
2o ESO

viernes, 2 de octubre de 2020

Este ano tamén préstamos online!

   

    Dadas as circunstancias excepcionais que atravesamos este ano e para facilitar o servizo de préstamo, así como evitar as aglomeracións, temos habilitada a opción do préstamo online. 

 

 

    Será suficiente con que os usuarios envíen un correo á nosa dirección da biblioteca bibliotecaiesfoz@gmail.com indicando:

    -o seu nome e apelidos

    -o seu curso

    -o título e autor/a do libro que desexan.

     Nós responderemos a ese correo avisando de cando poden pasar a recoller o libro.

    Se ademais alguén quere ou necesita consultar o catálogo da nosa biblioteca pode facerlo pinchando neste enlace.  

    Esperamos que vos sexa útil e que a pesar das circunstancias sexamos capaces de poñer á vosa disposición todo o material e os recursos dos que dispoñemos!

    Que a lectura sempre nos acompañe!


lunes, 28 de septiembre de 2020

Arrancamos o novo curso!


     Benvidos a todos e todas! A nosa Biblioteca sigue aberta e aínda que cun aforo máis limitado, esperamos poder atender a todas aquelas persoas que desexen acercarse ata aquí.

 

 

    Temos elaboradas unhas pequenas normas para facilitar que o noso espazo sexa un lugar seguro para todos os usuarios. Deixámovolo a continuación por se queredes botarlle unha ollada.


ANTES DE ENTRAR NA BIBLIOTECA DEBES SABER QUE:

- É obrigatorio o uso do xel desinfectante.

- Débense respectar as sinalizacións de tránsito así como a ubicación dos postos de traballo.

- Cada usuario deberá desinfectar o seu posto de traballo despois do seu uso.


O respecto ás normas repercute no beneficio de todos nós.

Grazas pola túa colaboración.


AFORO MÁXIMO PERMITIDO


16 PERSOAS NA SALA PRINCIPAL


20 PERSOAS NA SALA DE ESTUDO


Vémonos na Biblio! Esperámosvos!

 

martes, 28 de enero de 2020

Concursos a eito!

Estes semanas hai moitas actividades no noso instituto.😎


Un ano máis, o ENLG organiza o Concurso de coplas co que temos seguro que o alumnado vai dar moito que falar. A actividade consiste en compoñer coplas populares propias do entroido ás que lles podedes dar ritmo de rap... ou calquera outro que queirades.😊



Ademais, tamén se abre o prazo para o 2º Concurso de recitado de poesía sobre poemas de Rosalía de Castro e Manuel María co fin de dar a coñecer a produción da autora iriense e do escritor chairego.

Tedes toda a información dos concursos nos taboleiros das vosas aulas.

A participar!