Xogos populares o último día de clase

O último día lectivo o Departamento de Educación Física en colaboración co Equipo de Dinamización da Lingua Galega organizou unha actividade de xogos populares na que o alumnos e alumnas de 2º da ESO realizaron a función de monitores cos seus compañeiros de primeiro.

Explorando as plantas da contorna

O presente traballo do alumnado de 1º da ESO da profesora de Bioloxía Montse Otero foi realizado en colaboración co Equipo de Dinamización da Lingua Galega pola importancia que ten nomear en galego árbores e plantas, ademais de coñecer o seu nome científico e o recoñecemento no seu hábitat.

Segundo programa de radio realizado polo alumnado de 1º de FP Básica de Administrativo do IES de Foz

Animámosvos a que o escoitedes. Está moito mellor que o primeiro.               

 

Entrevista o alumnado de FP Básica sobre o programa de radio

Xornalistas: Chema e Cao.

Hoxe entrevistamos ao alumnado de FP Básica de comercio sobre o programa de radio que realizaron no primeiro trimestre.

PREGUNTA: Por que se vos ocorreu facer un programa de radio?

ALBA: Dounos a idea a profesora Ana Carreira

PREGUNTA: Quen decidiu como estaba formado o equipo?

MÍRIAM: Todos nós, todo o equipo.

PREGUNTA: Canto tempo vos levou facer o programa?

EDI: Máis ou menos un mes e medio.

PREGUNTA: Foi divertido facer o programa?

JOSEBA: Si, oh. Estivo bastante ben.

PREGUNTA: Que foi o máis divertido?

JOSEBA: As risas que nos botabamos.

EDI: As vaciladas a Alba.

PREGUNTA: Que foi o máis aburrido?

NAIM: Pois a verdade é que non sei.

MARTÍN: Editar o programa.

PREGUNTA: Que foi o máis difícil?

FANEGO: A hora de pensar as preguntas para facer a entrevista.

PREGUNTA: Por que lle fixestes unha entrevista a Marcote?

EDI: Porque é o único profesor que nos caía ben... (risas) Non, porque estaba próxima a súa xubilación e quixemos facerlle unha homenaxe.

PREGUNTA: Como vos sentistes ao escoitar o voso programa?

EVA: Esta ben. Gustoume. O resultado foi satisfactorio.

PREGUNTA: Tedes pensado facer outro programa?

NAIM: Non sei...

JOSEBA: Supoño que si. Para perder clase, e iso...

FANEGO: Si. Gustaríame facer un.

PREGUNTA: Que temas tedes pensado tratar no programa?

JOSEBA: Iso pénsase sobre a marcha.

MARTÍN: Sobre a droga. Ah, si sobre o ciclista que dou a volta ao mundo. Xa o entrevistamos.

Traballo de investigación.

Enlazamos este interesante traballo de investigación cos fondos da biblioteca elaborado polos alumnos de 4º PDC dirixidos polo profesor de Tecnoloxía Manuel Abuín. Accede na imaxe.

Traballo interdisciplinar

Os alumnos de Atención Educativa e de Relixión de 1º de ESO levaron a cabo un proxecto conxunto acerca da mitoloxía. Seleccionaron mitos bíblicos e doutras culturas (grecolatina basicamente), buscaron e organizaron a información e fixeron unha exposición conxunta.