Este ano dedicámoslle o Día das Letras Galegas 2026 a Begoña Caamaño, xornalista, novelista e activista feminista e sindical. Montamos unha exposición sobre a súa vida e obra na entrada do edificio A e decoramos con rotuladores o cristal da sala de estudo.
Tamén fixemos chapas e bolsas.
Ademais, este ano 1º de Bacharelato leu Circe ou o pracer do azul, a súa primeira novela, publicada en 2009. Nela, cóntasenos a amizade entre Circe e Penélope, personaxes femininas da Odisea que no seu libro van máis alá de ser as acompañantes de Odiseo/Ulises.
